Web Designing क्‍या होता है ? in Hindi | वेब डिजाइनिंग क्या है?

Web Designing kya hota hai ?

Hum logo me ek bohot badi kami hai, hum kaam ki baat par kabhi bhi dhyan nahi dete humara dhyan hamesha faltu ki baato me rehta hai.Life me jis cheez par dhyan do wo bhadti hai, lekin humara jada dhyan faltu ki cheezo par hi rehta hai. Zadatar logo ko bahut se Bhojpuri, Bollywood actors ke baare me to pata hoga lekin unhe Resume banae jaisi choti cheez bhi nahi pata hogi.

Tabhi mujhe lagta hai ki bohot se log Life me kabhi Kamyaab nahi ho pate.
Hum log hazaro rupee faltu ki cheeze jaise Movies, Entertainment, Fun me lagate hai jo ki hume kabhi kuch return nahi degi, lekin kabhi bhi ek 200-300 Rs. kisi kitab ya kuch seekhne me nahi lagate jo ki hume lakho me return de sakti hai.

Mera ye sab likhne ki wajha ye hai ki, Aap is article me Web Designing ke baare me janna cahte hai to iska matlab aapka dhyan sahi jagha par hai. Aap Internet par paisa to kamana cahte hai, lekin aapko Web design ke baare me nahi pata to aap kuch bhi nahi kama sakte. Paise ke peeche kum bhago aur gyan ke peeche jada. Jitna seekho ge utna aap kama sako ge.
Chalo koi baat nahi! Aaj me cahta hun ki aap decide karo ki din ka jitna time aap TV + Gaane ko dete hai usse 1 Ghanta jada kuch seekhne ko doge. Matlab ki agar aap 3 ghante un faltu cheezo ko dete ho aaj se aap 4 ghante kuch seekhne ko doge. Jaroori nahi ki aap web designing hi seekho, aap kuch bhi seekho jo aapka man kare. Aage ka article un logo ke liye hai jo Web Designing seekhna cahte hai.

Web Designing Kya Hai?

Jab hum kisi bhi Website ko banate hai, update karte hai, ya plan karte hai usko hum Web Designing kehte hai.
Jaise ek builder ka kaam Building banana hota hai, usi tarha ek Web Designer ka kaam website ko banana hota hai.
Web Designing ke do parts hote hai : Front End Web Design aur Back End Web Developer.

Front End Web Design:

Jaise ki naam se pata chalta hai ki Front End Web Design Front me deal karti hai, yani ki us hisse se jo ki User (Visitor) ko dikh raha hai.
Jab hum kisi bhi Website ko kholte hai to hamare saamne jo bhi bana aata hai wo sab Front End designer ka kaam hota hai.
Front End Web Designing se hamara maksad sirf website ko sundar banana hi nahi hota, web designing ke dwara hume ye bhi dhyan rahkna hota hai ki konsi cheeze kaha joode jisse ki hamri website par aapne wale visitor ko dikkat na ho.
Agar hum is ek Car se compare kare to Front End designer ka kaam Gaadi ko sundar banana hai, Gaadi ke engine se uska koi matlab nahi hai, Gaadi ke andar ki Battery Engine wo sab Back End Developer ka kaam hai.

Back End Web Developer

Web Developer website ke dimag ko banata hai, jaise ki website par agar koi Form bharega to wo kiske pass pochna cahiye, Koi ID/Password daalta hai to konsi profile khulti cahiye aisi cheezo se.

Back End Developer ka kaam visitor ko nahi dikhta, lekin development ke bina ek bhadia website nahi ban sakti.

Web Designer banne ke liye kya seekhna padhta hai ?

Ek accha Web Designer banne ke liye Front End Web Design aur Back End Web Development dono ki jaankari honi cahiye.

Front End Design ke liye kya seekhe

Pehle hum Front End Designing se shuru karte hai.

Photoshop Basics :

Jaise hum ghar banwane se pehle architecture se Naksha banwate hai, usi tarha Website design karne se pehle huamra paas ek idea hona cahiye ki website kaisi dikhegi. Kayi log poori website ka design bohot bariki se photoshop par banante hai, lekin jo experts hai wo Photoshop ko sirf ek blueprint ya prototype banane ke liye karte hai.

HTML :

HTML ka matlab hai Hype Text Markup Language. HTML ek markup language hai jiska use Website ka structure (dhancha) banane me hota hai. HTML ek language (Bhasha) hai jo ki Code ke roop me likhi jaati hai.

HTML bohot seekhna bohot hi aasaan hai. Ek baar HTML seekh ki to aap ek simple se Static website bana sakte hai.

CSS :

CSS ka matlab ha Cascading Style Sheet. HTML hamari website ko structure dene ke kaam aati hai aur doosri aur CSS hamare HTML se bane structure ko design dene ke kaam aati hai, ye hamare design ko Style dene ke kaam aati hai.

JavaScript:

Yaha hum poori tarha se programming karna shuru kar dete hai. HTML/CSS hamari website ko bana deti hai, lekin design ko interactive banane ke liye Jiska use hota hai.
Interactive se mera matlab jaise aap Facebook par upar Friend request wale icon par click karte hai to neeche ek drop down khul jata hai. JavaScript ye detect karta hai ki User ne aapki website par kya Action kiya hai aur us action ke hisab se wo design ko badal deta hai.
Jab kisi website par upar images Ghum rahi hoti hai to JavaScript ghumata hai.
HTML aur CSS milkar ek bohot achi Static Website bana sakte hai. Agar aapne sift Photoshop, HTML aur CSS seekh lia to aap kisi IT company me Job bhi dhund sakte hai aur ek achi Website bana sakte hai.

Back End Web Development ke liye kya seekhe

HTML/CSS/JS se aap static website bana sakte hai, static website me hum database entry, Login, Register jaise features nahi bana sakte.

PHP

Waise to backend par bohot se languages chal sakti hai, lekin shuru me PHP seekhna sabse aasaan hai. PHP bohot hi powerful hai aur isse har feature perform ho sakta hai. Facebook PHP par hi banayi gayi thi.
PHP seekhna isliye bhi faydemand hai kyoki isse hum kam paiso me hi website bana sakte hai.
Isse hum WordPress par web site design karna bhi seekh sakte hai, duniya ki sabse jada website aur blogs WordPress par bane hai, to PHP seekhne se aapke liye WordPress banana asaan ho jayega.

DataBase

Jab hum Facebook par ID banate hai ya YouTube par video dekhte hai. To ye sara data jaha store hota hai use hum Data Base kehte hai. Sabse jada use hone wala Data MySQL hai. Ise seekhn ke baad apni website par logo ka data bhi store karwa sakte ho.

MySQL jaise data base me kuch bhi store karwane ke liye PHP jaise language ka use hota hai.

Kaha Shuru Kare

Bohot se log ye sawaal poochte hai, mai aaj aapko step by step batata hun ki kya karna hai.

  • HTML seekhna shuru kardo
  • Stath sath photoshop ke basic seekhlo, photoshop me bohot jada advanced jane ki jaroorat nahi hai. Basic aane cahiye.
  • Jab HTML me aapka haath chalne lag jaye to CSS seekhna shuru kardo
  • Roj HTML / CSS ka use karke kuch na kuch banano
  • HTML / CSS ko achi tarha seekhne ke baad JavaScript seekhna shuru karo
  • JavaScript ke basic jaanlo
  • Phir PHP shuru karo, aur kuch projects banakar dekho
  • WordPress par websites banana seekho
  • Ab PHP aur DataBase ko sath sath use karke koi simple sa project banao.

Itna sab karne ke baad aap ek bhadia level ke Web Designer ban jaoge. Itne skill hone ke baad aap Internet par Freelance word karke dollars me paisa kama sakte ho. Ya kisi achi company me Job ke liye apply bhi kar sakte ho.
Web Designing ek aisa skill hai jiski aane waale time mai bohot demand ho jayegi. Expert level par jaane ke liye mehnat lagaegi. Lekin mehnat se darne waalo ke liye life me sirf gareebi hi likhi hai.

Agar aapko abhi bhi Web Designing ke baare me koi question hai to neeche comment kare, aur mujhe iska jawaab bhi de ki “Kya aap Web Designing seekhna cahte hai ?”
Thank You :

Free Exclusive Traffic Tips

About the Author: Dharmendra Yadav

Dharmendra Yadav is a PHP developer. Dharmendra Yadav background includes B.Tech in Computer Science and Engineering. Currently he is working with CORE PHP, CODEIGNITER, , Laravel, Opencart, JAVASCRIPT, JQUERY, AJAX, WORDPRESS, WEB API technologies , Smarty.

You May Also Like

Leave a Reply

Your email address will not be published. Required fields are marked *